Sum tað fyrsta offurið frá yvirganginum seinasta fríggjadag fer tann 18 ára gamla Bano Rashid til gravar í dag. Bano Rashid, sum var ættað úr ntí kurdiska økinum í Irak, kom til Noregs saman við familjuni í 1996, eftir at tey vóru flýdd úr Irak.
Hon fór upp í ungdómsdeildina hjá Arbeiðaraflokkinum, AUF, og tað eydnaðist henni at fáa ungdómsdeildina ar viðurkenna Kurdistan. Hon hevði eisini ætlanir um at fáa AUF at samstarva við kurdiskar ungdómspolitikarar.
Blaðið VG skrivar, at Beryan Rashid ætlaði sær at lesa løgfrøði, og at hon ætlaði sær at stilla upp til Stórtingið aftan á lokna útbúgving.
