Fyrrapartin hevur verið sjón fyri søgn um, at nú er tað álvari. Ársins fyrsti FM kappróður verður seinnapartin, og fyrrapartin hava nógvir bilar við kappróðrarbátum í lastini ella í vogni, sum honur aftanfyri, verið at sæð á landsvegunum.
Hjá øllum hevur kósin verið tann sama. Teir hava stevnt norðureftir og umvegis Norðoyatunnilin og til Klaksvíkar, har ársins fyrsta summarstevna við FM kappróðri er hetta vikuskiftið.
Klokkan 13 ljóðar fyrsta startskotið fyri barnaróðrinum, og klokkan 15 fer fyrsta skoti í FM kappróðrinum at hoyrast á Pollinum í Klaksvík.
Líkindin at rógva kapp eru góð á 1000 metra teininum frá norðast á Kósini og inn á vánna. Hann er eystan og landssynningur í ættini, og seinnapartin snarar hann upp í norðan. Hitastigini eru umleið tíggju, og at er turt.
Í Klaksvík er spenningurin stórur um, hvussu tað fer at roynast hjá 10-mannafarinum. Klaksvíkingur luttók ikki í fjør. Nú er nýggjur bátur smíðaður. Hann varð flotaður næstsíðsta mikukvøld. Tá tók Ísak Mikladal, sum er ein av oddvitunum í felagnum, hesa myndina uttanfyri róðrarneystið á Biskupsstøð.
40 bátsmanningar luttaka í FM róðrunum og 16 manningar luttaka í barnaróðrunum.
Barnaróður dreingir
6 Svanur
7 Royndin Fríða
8 Ternan
9 Havfrúgvin
10 Ørnin
11 Jallurin
12 Tekla
Barnaróður gentur
5 Strípan
6 Dúgvan
7 Títlingur
8 Pílur
9 Havfrúgvin
10 Beinta
11 Blikur
12 Hulda
13 Báran
5-mannafør gentur
5 Spógvin
6 Dúgvan
7 Silja (VER)
8 Fípan Fagra
9 Jallurin
10 Sílið
11 Blikur
12 Firvaldur
6-mannafør menn
5 Herningur
6 Páll Fangi
7 Lómur
8 Smyril
9 Rádni
10 Jarnbardur
11 Hvessingur
12 Tvørabáturin
13 Gongurólvur
5-mannafør dreingir
6 Hulda
7 Frúgvin
8 Ternan
9 Beinta
10 Kollur
11 Tjaldrið
12 Sílið
8-mannafør
8 Tofta Regin
9 Heiðabáturin
10 Argjabáturin
5-mannafør kvinnur
6 Sílið
7 Erla Kongsdóttir
8 Teistin
9 Drekin
10 Ritan
11 Ørnin
12 Jallurin
10-mannafør
7 Nólsoyingur
8 Klaksvíkingur
9 Havnarbáturin
10 Drekin Reyði
11 Ormurin Langi
