Fyrra uppskotið er »Laðatrøð« og seinna uppskotið er »Dalateigar«.
Í grundgevingunum sigur gøtunavnanevndin, at »Laðatrøð« er skotið upp, tí at Hans Jacobsen, vanliga nevndur Hans á Lað, hevur átt trøðna.
##med2##
Uppskotið um navnið »Dalateigar« er grundað á, at talan er um eina síðugøtu til Dalaveg, og harumframt er hetta teigalendi.
– Havnarmenn veltu altíð í teigar. Navnið Dalatún er nærindis. Longri uppi eru aðrar síðugøtu, ið hava Dala- til forlið.
Trivnaðarstjórin og mentamálaleiðarin mæla til at taka støðu til uppskotini hjá gøtunavnanevndini. Mentanarnevndin samtykti á fundi 11. september til at mæla til býráðnum til at samtykkja navnið Laðatrøð.
