Nú er Rósa Samuelsen, fyrrverandi løgtingskvinna og fyrrverandi landsstýrikvinna, aftur á Løgtingi.
Men tað verður bara í nakrar dagar. Hetta hendir eftir at tingkvinnan, Eyðdis Hartmann Niclasen hevur biðið Løgtingið um farloyvi í nakrar dagar.
Fyrsti varalimur hjá henni er Jaspur Langgaard, men tað lá ikki fyri hjá honum at møta. Næstur í røðini er Frimodt Rasmussen, men hann gav eisini avboð.
Triði varalimur er Edva Jacobsen, men heldur ikki hjá henni bar til at møta á Løgtingi.
Og sostatt er tað Rósa Samuelsen, sum nú aftur tekur sæti á Løgtingi restina av hesum mánaðinum. Hon er royndur polirikari og hevur verið bæði løgtingskvinna og landsstýriskvinna.