Andras Gango, sum er føddur og uppvaksin í Ungarn, men hevur búð í Føroyum síðani 2006, sigur at hann leingi hevði droymt um at fáa Ungarn í okkara bólk. Málverjin hjá NSÍ hevur seinastu dagarnar verið tolkur hjá ungarska landsliðnum og fjølmiðlunum í Føroyum.
Hoyr samrøðuna við Andras Gango við at trýsta á pílin undir myndini
- Hetta havi eg droymt leingi um. Eg fekk næstan ikki sovið í nátt, sigur Andras Gango um náttina fyri at landsliðið hjá Ungarn mánadagin lendi í Føroyum.
Les eisini: Hesir byrja inni móti Ungarn
Til tíðindafundi hjá Føroyum og Ungarn í gjár var Andras Gango tolkur. Tað er torført at meta um hvussu umsetingin frá føroyskum til móðurmálið gekk, men tað gekk ógvuliga væl hjá U21 landsliðsmálmansvenjaranum at umseta til føroyskt.
Les eisini: Brandur byjar inni
Sostatt hevur Andras Gango verið bindiliðið millum tvær fótbóltstjóðir, sum standa honum nær. Hann hevur eisini torført við at velja síðu til dystin í morgin.
Les eisini: Fróði tekur ikki brotsspark
- Líka mikið hvat, so verið eg fegin aftaná dystin. Eg verið nokk eins glaður og tú um Føroyar fáa eitt gott úrslit, sigur Andras Gango í samrøðu, har hann greiðir frá støðuni í ungarskum fótbólti.
Les eisini: Lars hevur álit á Brandi
Andras Gango greiðir í samrøðuni frá serligu støðuni, sum 38 ára gamli landsliðsvenjarin hjá Ungarn, Pál Dárdei, hevur. Hann er fyribils settur í starv fyri tríggjar landsdystir.
