– Burtursæð frá kolldømingini av okkara seinna máli, so eri eg væl nøgdur, sigur hann.
Gøtumenn høvdu helst sett nøsina upp eftir meiri enn eina stignum í gjár, men kunnu takka Geza Turi fyri, at teir ikki vóru aftanfyri við nógvum málum, tá hálvleikur var.
– Málmaður okkara var heilt fantastiskur, og tað var ein fantombjarging, hann hevði í yvirtíðini, heldur Jonreid Dalheim.
– Væl og virðiliga betri
Ungi málverjin hjá B71, Símun Rógvi Hansen, heldur ikki tað var í lagi, at dysturin endaði við stigabýti millum liðini.
– Nei, vit áttu at fingið fleiri mál í fyrra hálvleiki, har vit vóru væl og virðiliga betri enn GÍ og høvdu kjans oman á kjans.
Í seinna hálvleiki var GÍ oman á og teir fingu eisini bóltin í netið ta einu ferðina. Málið var tó kolldømt, og tað var ein røtt avgerð, sigur Símun Rógvi Hansen.
– Eg fekk ein alboga ella ein arm inn á kjálkan, so eg meti har var fríspark. Og ja, vit verða eisini lagdir undir eitt ávíst trýst, men samanumtikið áttu vit at fingið meiri burturúr, sigur málverjin hjá B71.
