Gilli Sørensen fekk fulla spælitíð, tá Brann Bergen á heimavølli á Brann leikvøllinum í Bergen vann 1-0 á Tromsø frammanfyri 9.300 áskoðarum. Sigurin merkir, at Brann Bergen nú liggur á øðrum plássi við 44 stigum. Tvey stig eru niður til Odd á triðja plássi. Rosenborg hevur longu tryggjað sær norska meistaraheitið, og teir liggja 18 stig frammanfyri Brann Bergen.
Í dystarfrásøgnini hjá Bergens Tidende fær Gilli Sørensen bæði rós og rís. Gilli Sørensen fær rós fyri síni góðu innlegg, sum skaptu góðar støður, og málmøguleikar hjá liðfeløgunum. Hinvegin er dystarfrásøgnin hjá Bergens Tidende ikki so lítið atfinningarsom ímóti Gilla Sørensen, tá talan er um at brenna góðar málmøguleikar. Dystarfrásøgnin staðfestir, at Gilli Sørensen ikki er nakar avsluttari.
Komandi leygardag vitjar Brann Bergen gamla føroyingaliðnum, Sogndal, har bæði Kurt Mørkøre, Julian Johnsson, Hans Fróði Hansen og Atli Danielsen eiga nøkur spor.
Støðan í bestu norsku fótbóltsdeildini :
| # | ||||||||
|---|---|---|---|---|---|---|---|---|
| 1 | Rosenborg | 25 | 19 | 5 | 1 | 57 - 17 | 62 | |
| 2 | Brann | 25 | 13 | 5 | 7 | 35 - 22 | 44 | |
| 3 | Odds Ballklubb | 25 | 12 | 6 | 7 | 36 - 28 | 42 | |
| 4 | FK Haugesund | 25 | 11 | 7 | 7 | 39 - 35 | 40 | |
| 5 | Sarpsborg 08 | 25 | 11 | 6 | 8 | 27 - 29 | 39 | |
| 6 | Molde | 25 | 11 | 5 | 9 | 42 - 39 | 38 | |
| 7 | Strømsgodset | 25 | 10 | 6 | 9 | 37 - 34 | 36 | |
| 8 | Viking | 25 | 10 | 6 | 9 | 26 - 29 | 36 | |
| 9 | Sogndal | 25 | 8 | 10 | 7 | 30 - 29 | 34 | |
| 10 | Vålerenga | 25 | 8 | 6 | 11 | 33 - 34 | 30 | |
| 11 | Tromsø | 25 | 8 | 6 | 11 | 30 - 36 | 30 | |
| 12 | Aalesund | 25 | 8 | 5 | 12 | 34 - 44 | 29 | |
| 13 | Bodø/Glimt | 24 | 7 | 6 | 11 | 30 - 35 | 27 | |
| 14 | Stabæk | 24 | 6 | 6 | 12 | 28 - 34 | 24 | |
| 15 | Lillestrøm | 25 | 5 | 8 | 12 | 38 - 46 | 23 | |
| 16 | Start | 25 | 1 | 9 | 15 | 19 - 50 | 12 |
