Liðskiparin á føroyska U21-landsliðnum venur hesa vikuna við danska Superligafelagnum, AaB, sum eisini hevur Hall Hansson í hópinum.
Tað veit heimasíðan hjá AaB at siga. Hallur Hansson og Gilli Sørensen spældu eisini eitt skifti saman í skotska Aberdeen fyri nøkrum árum síðani.
Gilli Sørensen hevur í ár spælt við B36, umframt at hann hevur verið liðskipari á føroyska U21-landsliðnum.
Sum skilst, so er talan bara um nakrar venjingar, sum skulu geva AaB møguleikan at hyggja nærri at skjóta vonginum av Tvøroyri.
AaB spældi sunnudagin seinna dystin á venjingarleguni í Týsklandi. Dysturin var móti Bundesligaliðum Eintracht Braunschweig. Einki mál kom í dystinum og Hallur Hansson slapp ikki á vøllin.
