Russiski verjumálaráðharrin, Sergej Sjojgu, vil vera við, at hernaðargoymslurnar hjá Ukraina skjótt eru tómar. Hóast umfatandi hjálp úr vesturheiminum, megnar ukrainski herurin sambært verjumálaráðharranum ikki at skapa framgongd á hermótinum.
Á einari trygdarráðstevnu í Moskva segði Sergej Sjojgu, at ukrainsku hernaðargoymslurnar skjótt eru tómar.
Tað var í juni, at ukrainski herurin fór í mótálop í royndini at reka russisku herdeildirnar úr aftur Ukraina. Í hesum tíðarskeiði hevur Ukraina ásannað, at teirra herdeildir eru í hørðum bardøgum við russisku herdeildirnar.
Tíðindastovan NTB vísir á, at meðan Ukraina sigur seg hava framgongd kring Bakhmut har eysturi í Ukraina, sigur Russland seg hava framgongd kring býin, Kupjansk, í Kharkiv-regiónini í landnyrðingspartinum av Ukraina.
##med2##
