Hættisliga støðan í Grindavík ger tað eisini ógjørligt hjá grindavíkingum at spæla dystir í ítrótti á heimavølli í Grindavík.
Men grindavíkingar fella ikki í fátt.
Grindavík eiga eitt gott lið í bestu íslendsku kvinnudeildini í kurvabólti, ið er ein rættiliga stór ítróttargrein í Íslandi.
Grindavík í bestu kvinnudeildini í kurvabóliti átti heimadyst móti Þór Akureyri, og hvørji vóru ráðini til at taka? Jú farið var í Smárin-høllina í Reykjavík at leika heimadystin móti Þór Akureyri.
Grindavíkingar í hópatali møttu í Smárin-høllini fyri at standa saman at stuðla kurvabóltskvinnunum.
Og tað gekk framúr væl. Grindavík vann ein greiðan 93-63 sigur og eru Grindavíkskvinnur næstfremst í bestu kurvabóltsdeildini við 12 stigum fyri átta dystir.
Keflavík er fremst í deildini við 14 stigum.
Fá ting kunnu sum ítróttur sameina eitt samfelag.
