Grindin er hildin til

Tað gekk ógvuliga skjótt fyri seg í Sandagerði at halda grindini til, sum B68 fótbóltsspælarar funnu fyrr í kvøld

Enn hava vit einki frætt um, hvussu stór grindin er. Men hon er longu hildin til í Sandagerði, og drápið gekk væl, tí grindin gjørdi landgongd. Tað er nógv fólk í Sandagerði í góðveðrinum í kvøld.

 

Klokkan var farin av hálvgumsjey, tá ið B68 ferðalagið, sum hevði verið í Hvalba og spælt fótbólt, sigldi seg fram á grind.

 

Tað var nakað suður úr Borðini. Ovi Brim prestur, sum var ein av spælarunum umborð á skjóttgangandi bátinum, sum hevði fraktað toftamenn suður á Hvalba og nú var á veg norðuraftur, greiddi in.fo frá, at teir í dýrdarveðrinum vóru einsamallir hjá grindini, sum lá nakað suður úr Borðini.

 

Klokkan 20.05 var fyrsti bátur hjá grindini – umframt ferðalagið av Toftum í skjóttgangandi bátinum. Tá var grindin ein lítlan fjórðing suður úr Kirkjubønesi.

 

Síðani komu fleiri bátar aftrat, og klokkan hálvgumníggju var drápið liðugt.

 

Sum vit skilja tað, so er talan um ikki serliga stóra grind. Tað verður mett, at hon er umleið 30 hval.

 

##med2##

 

##med3##

 

##med4##

 

##med5##

 

##med6##

 

##med7##