Tíðliga seinnapartin hósdagin doyði ein 9-ára gamal drongur í einari sletuvanlukku í býarpartinum, Qinngorput, í Nuuk.
Syrgiliga hendingin fór fram, tá smádrongurin rendi á ein lyktapela.
Læknarnir hava nú kannað líkið, og kanningarnar staðfestu, at skaðarnir vóru so mikið álvarsligir, at tað ikki bar til at bjarga lívinum á dreinginum.
Tað vóru læknar á Dronning Ingrids Hospital, sum kannaðu líkið.
Sermitsiaq veit at siga, at nógvir borgarar í Qinngorput vóru á vanlukkustaðnum hóskvøldið, har teir tendraðu ljós og vístu teimum avvarðandi sína samkenslu.
Sagt verður úr Grønlandi, at ljósini, sum hava lýst á staðnum, eru fleiri ferðir skift, og í kvøld lýstu tey framvegis.
Qinngorput liggur umleið fimm kilometrar úr býarkjarnuni í Nuuk, og sambært Wikipedia merkið navnið "botnurin av okkara fjørði".
- Býarparturin, sum dregur yngri familjur at sær, er hin nýggjasti í Nuuk, og her er fokus á familjur við skúlabørnum, verður lagt aftrat.