Grundspælið er av: VÍF gav H71 fremsta plássið

Neistin - VÍF 23-30 (14-15)

H71 - Team Klaksvík 33-14

Í dag var seinasta umfarið í grundspælinum í Okkaradeildini leikt, og endaliga stigatalvan boðar frá einum so tøttum úrslitið, sum sjáldan er sæð áður.

Væntað var at H71 fór at vinna á Team Klaksvík, so veruligi spenningurin var í Havn, har Neistin tók ímóti VÍF.

Les eisini: H71 ella Neistin tryggjar fremsta plássið í dag

Sum vænt trýsti VÍF leikferðina upp, og hevði eisini hug at vera á odda í einum fyrra hálvleiki, ið endaði 14-15.

Í seinna hálveiki setti VÍF Mladen Mjerimacka inn fyri Dia á Lava, ið annars hevði havt fleiri bjargingar.

Mladen Mjerimacka fekk saman við verjuni steðga neistaálopinum, og serliga Rasmus Søby hevði truplari at koma til møguleikar í seinna hálvleiki.

Miðskeiðis í seinna hálvleiki revsaði VÍF fleiri neistamistøk, og fór frá støðuni 19-20 upp á 20-26, og so mundi dysturin vera avgjørdur.

Tað var hann eisini. Hóast Neistin minkaði niður í fýra mál á muni, gjørdi VÍF arbeiði liðugt og vann 30-23.

Tá ið H71 vann stórsigur  á Team Klaksvík, merkir hetta, at H71 fær fremsta plássið, VÍF endar nummar tvey og Neistin endar á triðja plássið - øll við 25 stigum, men avgjørt av innanhýsis úrslitum. Kyndil endar á fjórða plássi. Við hvussu nógvum stigum verður avgjørt móti StÍF seinni í kvøld.

H71 skal nú velja sær eitt av teimum trimum mótstøðuliðunum í hálvfinaluni, og lætt er at hugsa sær, at H71 velur sær VÍF. Hoyvíkingar hava vunnið fýra greiðar sigrar av fýra møguligum móti VÍF í ár, men VÍF sendi í dag greitt tekin til H71 um at vestmenningar spæla góðan hondbólt í løtuni.

Klokkan 20.00 í kvøld spæla Kyndil og StÍF seinasta dystin í ársins grundspælið, men hetta fer ikki at førka nakað á stigatalvuni.

Undan hesum dysti sær støðan soleiðis út:

(hsf.fo)