Tað verður tí eisini gitt, at fyrrverandi stjórin í TF Holding og í Tryggingarfelagnum Føroyar Gunnar í Liða verður formaður í øðrum feløgunum í samtakinum, eitt nú TF-Holding, tí tað er vanligt, at somu fólk ganga aftur sum nevndarlimir. Hann er eisini nevndarlimur í Eik Banka, sum TF Holding eigur 70 prosent av.
Ingeborg Godtfred varð afturvald í nevndina í Ognarfelag Tryggingartakaranna, meðan nývaldir eru Jónsvein Knudsen, Árni Jakobsen og Gunnar í Liða.
Nevndin sær nú soleiðis út:
Jóhannus Danielsen
Ingeborg Godtfred
Árni Jakobsen
Jónsvein Knudsen
Gunnar í Liða
Jan Müller
Eftir aðalfundin skipaði nevndin seg við Gunnari í Liða sum formanni, og Jóhannusi Danielsen sum næstformanni.
Birgir Mohr, nevndarformaður seinastu tvey árini, sum eisini hevur verið nevndarlimur í samtakinum í 29 ár valdi ikki at stilla upp aftur. Hann hevur sostatt verið við til allar stóru broytingarnar sum eru hendar í samtakinum, seinast keypinum av Eik. Í tíðindaskrivi takkar felagið honum fyri drúgva og trúgva tænastu.
