Kirkjukórið Ljómur fer við gudstænastu í Vágs Kirkju sunnudagin klokkan 12 at minnast 100 ára dagin hjá Edith Dahl.
Edith Dahl stóvnaði Kirkjukórið Ljóm fyri skjótt 70 árum síðan, og hevur sostatt verið ein ung kvinna tá ið hon tók hetta stig. Væl hevur verið sátt. Nú knapt 70 ár seinni er Kirkjukórið Ljómur eitt sera virkið kór í støðugari menning.
Til gudstænastuna fer Kirkjukórið Ljómur at syngja sálmar og sangir frá tíðini tá ið Edith Dahl stjórnaði kórinum, og ynskir á henda hátt at æra minni um Edith Dahl.
