info
Ongi úrslit

Hægri løn til sjúkrarøktarfrøðingar og onnur vælferðarstørv

Aksel Kambsskarð Berg, valevni fyri Miðflokkin
28. november 2022 kl. 21:13

Ein raðfesting, ið eigur at liggja høgt á dagsskránni til komandi tingskeið, má vera at koma við neyðugum átøkum til at basa tann akutta tørvin á arbeiðsmegi, ið finst fleiri staðnis í vælferðarsamfelagnum.

Kommunurnar hava longu rópt varskó um tørvin á námsfrøðingum, tí flestu dagstóvnar eru undirmannaðir.

Eg havi uppliva í mínum gerandisarbeiði sum lækni, eins og onnur, ið hava arbeitt í sjúkrahúsinum, at mangulin á sjúkrarøktarfrøðingum er álvarsamur. Nógvar vaktir verða ikki mannaðar, normering er ov lítil og sjúkrarøktarfrøðingar eru so mikið pressaðir, at tað gongur útyvir sjúklingatrygdina og teirra arbeiðstrivnaða. Trupulleikin finst eisini í øðrum fakbólkum í heilsuverkinum.

Støðan er longu kritiskt í løtuni. Tí er tað ræðandi at hugsa um, at heilsuverkið skal rúma fleiri og fleiri sjúklingum komandi árini við tí at fólkatalið økist og fleiri borgarir gerast eldri. Heilsuverkið fer at skrambla saman um kósin ikki verður broytt. Tí mugu kollveltandi átøk gerast fyri at økja um arbeiðsmegina, soleiðis at vit fáa framtíðartryggja okkara vælferðarsamfelag.

Hvat hevði tú gjørt, um tú t.d. átti eina byggifyritøku, men hevði trupult við at finna arbeiðsmegi? Man hevði sjálvandi økt lønarkorini, soleiðis at arbeiði gjørdist meira attraktivt.

Soleiðis eiga vit eisini at hugsa í politisku skipanini. Um lønarstøðið hækkaðist hjá teimum við bachelor- og professionsbachelorútbúgving, ið arbeiða í ymiskum vælferðar- og umsorganarstørvum, so eggja vit fleiri fólk til at søkja størvini og hava lættari við at fasthalda arbeiðsmegina.

Onkur vil kanska vera við, at politiska skipanin ikki skal blanda seg uppí lønarsamrøðingum á arbeiðsmarknaðinum. Men politiski myndugleikin er arbeiðsgevarin hjá hesum starvsfólkunum, og tað er eisini tey, ið hava ábyrgd av at tryggja vælferðarsamfelagið. Tí kunna politikkarir ikki vaska hendur og hyggja burtur, meðan vælferðarsamfelagið er hótt. Tað er alsamt neyðugt og ber væl til hjá Løgtinginum og Landsstýrinum at geva Fíggjarmálaráðið karmar til at geva sjúkrarøktarfrøðingum, námsfrøðingum, ljósmøðrum, lærarum, fysioterapeutum, radiografum, bioanalytikarum og øðrum fakbólkum eina virðiliga og rættvísa løn, ið samsvarar við teirra ábyrgd og útbúgvingarstøði.

 

Aksel Kambsskarð Berg

Valevni

Miðflokkurin

 

Mest lisið hesa vikuna

Nú kanst tú síggja lønina hjá grannanum ella stjóranum

13. november kl. 22:59

Landsstýrið black­list­ar 16 bygdi­r og bý­ir í Føroyum

7 tímar síðan

Nøkur orð um skyldmannin Allan Enghamar

15. november kl. 17:35

Fyrrverandi NSÍ venjari er deyður

14. november kl. 17:37

Sosialurin hevur nú sítt egna »Tíðarrit«

15. november kl. 17:38

Hvør lutur verður gjørdur við stórum nærlagni

13. november kl. 08:07

Fleiri tíðindi

Myndasøvn

Myndir: FM í skúlatalvi við Tjarnir

9 minuttir síðan
Fótbóltur

ÍF fær útlendskan málverja

10 minuttir síðan
Tíðindi

Vivian Sjóðklett við barnasangi

32 minuttir síðan
Tíðindi

42 fráboðanir um ill­gruna um hjá­árin eftir koronu­kopp­seting

53 minuttir síðan
Tíðindi

Nýggjur Á handil latin upp í Norðragøtu

2 tímar síðan
Tíðindi

Spyr nær Suð­ur­oy­ar­tunn­il­in fær góð­kenning

2 tímar síðan
Fótbóltur

VIDEO: Moldavar vísa ikki føroysku málmøguleikarnar

2 tímar síðan
Myndasøvn

Myndir: Tingfundur 18.11.26

2 tímar síðan
Tíðindi

AP: Trump og Put­in hitt­ast á fyrsta tví­parta­fundi síð­ani Alaska

2 tímar síðan
Tíðindi

Ókent ræðsluevni: Byrjaði at eta seg sjálvan

3 tímar síðan
Tíðindi

Xi tók ímóti Trump og hálsfevndi hann undan fundi við Putin

4 tímar síðan
Tíðindi

Nýggjar bøkur um Oyggjaleikir og norrønu gudarnar

4 tímar síðan