Í kvøld spældu Hákun West av Teigum og liðfelagarnir í Skanderborg Århus seinasta dystin í grundspælinum í bestu donsku hondbóltsdeildini.
Skanderborg Århus vann á útivølli ein frálíkan 35-28 sigur á Sønderjyske á útivølli. Sønderjyske var annars favorittur hjá veddingarfyritøkunum at vinna dystin í kvøld.
Í steðginum var Skanderborg Århus á odda 16-14.
Hákun gjørdist triðbesti málskjúttin hjá Skanderborg Århus við fimm málum.
Skanderborg Århus endar á einum sætta plássi í grundspælinum við 32 stigum.
Í endaspælinum verður Skanderborg Århus í bólki 2 saman við GOG, Bjerringbro-Silkeborg og Fredericia. GOG tekur tvey stig við sær í endaspælið, og Bjerringbro-Silkeborg tekur eitt stig við sær í endaspælið. Skanderborg Århus og Fredericia byrja endaspælið við ongum stigi.
Fríggjakvøldið 14. apríl tekur Skanderborg Århus móti Bjerringbro-Silkeborg á heimavølli í fyrsta dystinum í endaspælinum.
