Aftaná tríggjar útsigrar á rað skuldi liðið hjá Hákuni West av Teigum, Skanderborg Århus spæla fyrsta heimadystin í EHF European League í kvøld.
Dysturin var móti spanska liðnum, Bidasoa Irun.
Lagt var upp til ein rættiliga javnan dyst, men talan gjørdist um ein 38-27 stórsigur til Skanderborg Århus. Serliga í fyrra hálvleiki lá væl fyri. Í steðginum var Skanderborg Århus á odda 21-13.
Hákun skoraði trý mál fyri Skanderborg Århus í kvøld.
6. desember skal Hákun spæla móti komandi liðnum hjá sær, Füchse Berlin á útivølli, og eina viku seinni vitjar Füchse Berlin heimavøllin hjá Skanderborg Århus. So dysturin í kvøld var ein perfekt upptakt til spennandi uppgerðirnar móti týska stórliðnum.
Skanderborg Århus hevur átta stig fyri fýra dystir. Füchse Berlin er á veg til at vinna stórsigur á portugisiska liðnum, Aguas Santas, so tað vera tvey lið við fullum stigatali, átta stigum sum møtast í Berlin um eina viku.
