Tað gongur væl hjá Hákuni West av Teigum og liðfeløgunum í Skanderborg Århus.
Skanderborg Århus hevur higartil vunnið fýra av fýra dystum í bólkaspælinum í EHF European League, og í dag vann Skanderborg Århus sjeynda dystin á rað í bestu donsku hondbóltsdeildini.
Skanderborg Århus vann á heimavølli í dag greiðan 34-24 sigur á Holstebro. Í steðginum var Skanderborg Århus á odda 15-11.
Hákun skoraði tvey mál, og legði upp til eitt mál í dagsins dysti.
Skanderborg Århus er nummar seks í deildini við 18 stigum.
Komandi týskvøld sleppur Hákun at vitja komandi heimavøllin hjá sær, tá Skanderborg Århus skal spæla móti Füchse Berlin á útivølli.
