Hákun West av Teigum gjørdi tað væl og skoraði fimm mál, tá hann og liðfelagarnir í Skanderborg-Århus vunnu 32-31 á svenska liðnum, Kristianstad á útivølli.
Í steðginum var Skanderborg-Århus á odda 18-15.
Talan var um fyrra dystin millum Skanderborg-Århus og Kristianstad um rættin at vinna seg í bólkaspælið í EHF European League.
Skanderborg-Århus hevur sostatt eitt gott útgangsstøðið til dystin á heimavølli komandi týskvøld.
