Hákun West av Teigum og liðfelagarnir í Skanderborg Århus spældu í dag útidyst í bestu donsku hondbóltsdeildini móti Skjern.
Skanderborg Århus vann sannførandi 30-20 sigur. Í steðginum vóru Hákun og liðfelagarnir á odda 16-11.
Hákun gjørdist saman við Thomas Arnoldsen toppskjútti hjá Skanderborg Århus við sjey málum hvør.
Hákun hevur skotið 82 mál í bestu donsku hondbóltsdeildini higartil hetta kappingarárið.
Skanderborg Århus er nummar seks í deildini við 26 stigum nú bert fýra dystir eru eftir at leika í grundspælinum. Skanderborg Århus hevur átta stig niður Holstebro, ið er nummar níggju við 18 stigum.
Átta tey fremstu liðini vinna seg í endaspælið, og við sigrinum í dag hevur Skanderborg Århus gott og væl fingið tryggjað sær pláss í endaspælinum.
Nr. | Lið: |
Dystir: | Stig: |
1 | Aalborg | 22 | 37 |
2 | GOG | 22 | 37 |
3 | Bjerringbro/Silkeborg | 22 | 34 |
4 | KIF Kolding | 22 | 28 |
5 | Skjern | 22 | 27 |
6 | Skanderborg Aarhus | 22 | 26 |
7 | Fredericia | 22 | 24 |
8 | Ribe-Esbjerg | 22 | 20 |
9 | TTH | 22 | 18 |
10 | SønderjyskE | 22 | 16 |
11 | Mors-Thy | 22 | 13 |
12 | Nordsjælland | 22 | 13 |
13 | Lemvig-Thyborøn | 22 | 12 |
14 | HC Midtjylland | 22 | 3 |
Hákun fer nú at ferðast heim til Føroya fyri at fyrireika seg saman við hinum í landsliðshópinum til EM-undankappingardystirnar móti Rumenia.
Dysturin móti Rumenia í høllini á Hálsi í Havn verður leiktur komandi mikukvøld klokkan 19. FM1 sigur beinleiðis frá dystinum.