Ein meiriluti í amerikanska Senatinum hevur góðkent 69 ára gamla handilsmannin Allan Leventhal sum næsta sendiharra hjá USA í Danmark.
Leventhal er tilnevndur av amerikanska forsetanum Joe Biden.
Eingin amerikanskur sendiharri hevur verið í Danmark, síðani Carla Sands, sum var tilnevnd av fyrrverandi forsetanum Donald Trump, fór úr Danmark í 2021.
Allan Leventhal er millum annað nevndarformaður og toppstjóri í Beacon Capital Partners, sum er ein av leiðandi eigarunum og umsitarunum av skrivstovuognum í USA.
Hann er harumframt í nevndini í Massachusetts Institute of Technology (MIT).
Sambært miðlinum Politico er Leventhal filantropur í Boston-økinum.
Júst nær Alan Leventhal kemur til Danmarkar, er enn ikki upplýst.
/ritzau/