Í gjár noyddist løgreglan út at leita eftir einum manni í 30-árunum. Herfyri skuldi maðurin inn at sita ein dóm, men hann var ikki møttur.

Vaktleiðarin segði í morgun, at løgreglan fann mannin. Hann varð handtikin á staðnum og tikin inn at sita dómin av sær.

Tað hendir av og á, at fólk, sum hava fingið ein dóm, har tey skulu inn at sita, ikki møta.

- Men, tá løgreglan so kemur fram á viðkomandi, verður persónurin tikin á staðnum. Ein tilkomin maður átti at vita betur, heldur vaktleiðarin fyri.