Í Gekka-spælinum í kvøld ringdi Thorleif Thomassen av Morskranesi.
Hann var fjarritari hjá Hans Anthoniussen, sum hevði fingið fulla plátu og hevði møguleikan at vinna tær 1,3 miljónir krónurnar, sum var høvuðsvinningurin í Gekka-spælinum í kvøld.
Fjarritarin segði, at Hans Anthoniussen ynskti at deila tær 1,3 miljónir krónurnar yvir teir tríggjar leyparnar við 450.000 krónum í hvørjum leypi.
Í fyrsta drátti steðgaði gekka-hjólið á 10.000 krónum, sum faldað við fimm hevði givið Hans Anthoniussen 50.000 krónur.
Men, maðurin sum stýrdi fjarritaranum var avgjørdur og hevði slett ongan hug at steðga. Í øðrum drátti steðgaði hjólið aftur á 10.000 krónum, sum faldað við trý nú tódnaði niður í 30.000 krónur.
Men, Hans Anthoniussen vildi royna eydnuna triðju og seinastu ferð eisini, og hesum ynski noyddist fjarritarin at eftirlíka. Í triðja drátti steðgaði gekka-hjólið á 15.000 kónum, sum soleiðis gjørdist vinningurin í kvøld.
Verturin, Magnus Magnussen, helt fyri, at hóast Hans Anthoniussen í kvøld ikki rakk nøkrum leypi og soleiðis teimum 450.000 krónunum, so gjørdist hann í øllum førum 15.000 krónur ríkari, enn hann hevði verið fyri lítlari løtu síðan.
- Ja, nettup, segði fjarritarin, Thorleif Thomassen, ið takkaði fyri vinningin, sum fall Hans Anthoniussen í lut í Gekka-spælinum í kvøld.
