Eitt ísfiskalínuskip er á Íslandsrygginum, eitt er norðan fyri, og trý smærri ísfiskalínuskip eru eystanfyri.
- Skipini fáa mest av toski, hýsu og so nakað av longu, brosmu og svartkalva. Øll koma inn at landa í næstu viku.
Tað vita tey á Fiskamarknaði Føroya at siga í dag.
Um frystilínuskipini verður sagt, at eitt fiskar í íslendskum sjógvi, eitt er á Føroyabanka, og sjey eru á ytru leið undir Føroyum.
- Streymurin verður harður, men batnar sum næsta vika gongur. Veðrið verður umskiftandi.
Á Fiskamarknaði Føroya vænta tey ikki nógvan útróður í næstu viku.