Tað skrivar KJ í tíðindaskrivi. Nýggi virkisbygningurin er 14 metrar breiður og 55 metrar langur, sum gevur eina gólvvídd á 840 fermetrar.
Sp/f Búð stendur fyri lendis- og stoypiarbeiðinum og Kaas Industrybyg tekur sær av uppsetan og innilokan av høllini.
Virkisbygningurin verður innilokaður fyri jól og væntast at vera klárur at taka í nýtslu á sumri í 2024.
– KJ fegnast um skjóta og góða arbeiði frá undirveitarunum, og nýggi virkisbygningurin fer at bøta munandi um arbeiðsumstøðurnar hjá starvsfólkunum og gomsluviðurskiftini hjá felagnum, sigur Viggo Johannesen, stjóri hjá KJ.
Tann 9. august í fjør kom eldur í virkisbygningin hjá KJ við Ljósá, og bygningurin stóð ikki til at bjarga.
Í bygninginum húsaðist deildin, ið stóð fyri sandblásing og líknandi arbeiðum hjá KJ, umframt plastdeildin, ið tekur sær av aliringum, smoltstøðum og øðrum uppgávum.
