Annan dystin rað, og fjórðu í fimm teimum seinastu dystunum vóru Kjartan Johansen og liðfelagarnir í Vendsyssel fyri tapi í næstbestu donsku hondbóltsdeildini.
Fríggjakvøldið tapti Vendsyssel í Hallen Park Vendia í Hjørring 21-25 fyri Aarhus, ið var á odda 14-12 í steðginum.
Kjartan var við fýra málum næstbesti málskjúttin hjá Vendsyssel.
Vendsyssel er nummar átta í deildini við 12 stigum. Teir hava 11 stig upp til oddaliðið, Skive sum hevur 23 stig.
Komandi fríggjakvøld klokkan 18.30 hevur Vendsyssel dyst á heimavølli móti Norddjurs.
