HB hevur gjørt sáttmála ein tvey ára sáttmála við 16 ára gamla Áka Debes Samuelsen. Hann hevur seinastu tíðina verið partur av FC Midtjylland, men er nú aftur í barndómsfelagnum.
- Áki hevur spælt meginpartin av sínum ungdómsárum í HB, burtursæð frá tveimum árum í Danmark har hann hevur verið knýttur at FC Midtjylland. Hann verður lýstur sum ein spennandi offensivur leikari, ið eisini hevur umboðað Føroyar á U15- og U17-landsliðnum. Harvið er hann enn ein í røðini av spennandi ungdómsleikarum, ið skrivar sáttmála við okkum, skrivar HB.fo.
HB hevur í ár gjørt sáttmálar við bæði Teit Jacobsen og Jákup L. Thomsen, sum eru komnir úr donskum fótbólti. Undan teimum kom René Shaki Joensen eisini aftur úr Íslandi. Allir eru uppvaksnir í HB.
