Tað er als einki í tíðindunum um, at Jóannes Eidesgaard í morgin skal veljast í nevndina hjá Atlantsflog, og at hann verður formaður. Tað sigur Johan Dahl, sum hevur alt valdið á aðalfundinum.
? Eg ivist ikki í, at Jóannes Eidesgaard hevði verið væl egnaður sum nevndarlimur í Atlantsflog, men tað er eingin ætlan um at broyta eina vælvirkandi nevnd. Tað sigur Johan Dahl, landsstýrismaður í vinnumálum.
Í morgin klokkan 16 hevur Atlatnsflog aðalfund. Tað hevur gingið sum rótasúpan seinastu vikurnar, at Jóannes Eidesgaard, fyrrverandi fíggjarmálaráðharri, skal veljast í nevndina. Men hesum vísir Johan Dahl, landsstýrismaður í vinnumálum aftur.
? Hatta er reinur heilaspuni frá onkrum, sum vil hava »gejl«, sigur Johan Dahl.
Sum landsstýrismaður í vinnumálum, so er tað Johan Dahl sum einsamallur ger av, hvør skal veljast í nevndina hjá Atlantsflog. Landsstýrið eigur tveir triðingar av felagnum, og tí kann hann velja teir nevndarlimir, hann hevur hug til. Og har verður einki broytt, sambært Johan Dahl.
Nendin, sum verður afturvald á aðalfundinum í morgin er hendan:
Bjarni Askham Bjarnason, Nevndarformaður
Kaj Johannesen, Næstformaður
Olaf Sigmundarson Poulsen, Starvsfólkavalt umboð
Ingi Solberg JoensenStarvsfólkavalt umboð
Therese Cecilia Tezz Tordsdottir Olsson, Nevndarlimur
Jens Wittrup Willumsen, Nevndarlimur
Stjórn:
Forstjóri: Magni Arge
Stjóri: Marius Eyðun Davidsen
