Neyvan er nakar føroyingur, ið ikki kennir vána støðuna, heilsuverk okkara er í eftir áralanga fíggjarliga niðurpíning. Dagligi tørvurin er fleiri starvsfólk, júst tað mótsatta av tí, leiðslan leggur upp til. Í staðin fyri at fara inn við einari bøtandi hond, verður steinur lagdur oman á byrðu teirra, ið frammanundan royna at fáa niðurpínda heilsuverkið at hóra undan.
Dupult ørkymlandi er at frætta, at partur av uppsagnunum sigst verða neyðugur fyri at fíggja enn eitt lag oman á ein yvirbygning, hvørs vøkstur seinastu mongu árini als ikki stendur mát við veruleikan, ein yvirbygningur, hvørs leiðsla higartil ikki hevur megnað at stýrt stovninum- tvørturímóti.
Miðflokkurin heitir staðiliga á landsstýriskvinnuna at steðga fráboðaðu uppsagnarætlanunum og at at krevja leiðslu landssjúkrahúsins at standa til svars fyri ómenniskjaligu og beinleiðis skaðiligu ætlanir sína
Vinarligast
vegna Miðflokkin
Jenis av Rana, løgtingsmaður
