Pauli Mittún, Helgi H. Hoydal og liðfelagarnir í Kristiansand spældu fyrr í dag fjórðingsfinalu í norsku steypakappingini.
Dysturin var á útivølli móti Fjellhammer.
Í fyrra hálvleiki avrikaði Fjellhammer betri, og var heimaliðið á odda 14-12 í steðginum. Í seinna hálvleiki var Kristiansand omaná, og tá hallarlúðurin ýldi á seinasta sinni var Kristiansand frammanfyri 25-23.
Tá 93 sekund vóru eftir javnaði Fjellhammer til 23-23. Kristiansand leggur seg framum 24-23, og 65 sekund eru eftir. Málverjin hjá Kristiansand bjargar málroyndini hjá Fjellhammer, og tá bert níggju sekund eru eftir staðfestir Kristiansand sína fyrstu hálvfinalu í steypakappingini nakrantíð.
Í Kristiansand feira tey "Final 8", tí kvinnuliðið hjá teimum hevur eisini vunnið seg í hálvfinaluna í steypakapingini.
Pauli skoraði tvey mál og legði upp til seks onnur mál. Helgi skoraði eitt mál fyri Kristiansand í dag.