Helgi Abrahamsen, landsstýrismaður, hevur fyri løtu síðani boðað løgtingsformanninum frá, at hann tekur aftur lógaruppskotið um at leingja sáttmálarnar millum Føroya Pedagogfelag og Fíggjarmálaráðið / Kommunala Arbeiðsgevarafelagið.
Hetta hendir nú stutt aftaná, at verkfallið er avblást - tí í kvøld bleiv semja gjørd millum øðrumegin Føroya Pedagogfelag og hinumegin Fíggjarmálaráðið og Kommunala Arbeiðsgevarafelagið.
Uppskotið handlaði í stuttum um at skerja verkfalsrættin hjá fakfeløgum, soleiðis at til ber at stýra, hvørji undantøk skulu gerast frá verkfallinum, so at lív og heilsa ikki verður sett í vanda.
Helgi Abrahamsen sigur soleiðis millum annað í skrivinum til løgtingsformannin:
– Vísandi til tingskipanina § 55, stk. 1 skal undirritaði hervið boða frá, at eg taki frammanfyri nevnda lógaruppskot aftur.