Sunnudagin verður lutakast til komandi EM Undankappingina.
Lutakastið fer fram í Nice í Fraklandi.
Á in.fo fara vit at gera eitt sindur burturúr í samband við lutakastið.
Vit hava samrøður við ymiskar persónar í føroyska fótbóltsheiminum, har teir seta navn á sín dreymabólk og sín marrubólk.
Fyrsti persónurin, ið setur navn á teir báðar bólkarnar, er fyrrverandi landsliðshetjan, Rógvi Jacobsen.
Rógvi Jacobsen spældi 53 landsdystir fyri Føroyar, har hann skoraði 10 mál. Hann er tí mest skorandi leikari á føroyska fótbóltslandsliðnum nakrantíð.
Rógvi bleiv serliga kendur tá hann skoraði í báðum dystunum móti Italia, ið tá var verandi heimsmeistari. Hetta var í 2007.
Rógvi Jacobsen varð noyddur, orsaka av skaða, at leggja skógvarnar á hillina í 2010.
Dreymabólkurin hjá Rógva er hesin:
Ongland
Danmark
Noreg
Wales
Ísland
Føroyar
Hesum bólkinum ynskir Rógvi ikki at Føroyar skal enda í :
Russland
Kroatia
Serbia
Hvítarussland
Aserbadjan
Føroyar
