- Býarbussurin í Klaksvík byrjaði at koyra í 2014, og í øll hesi árini hava fólk verið sera væl nøgd og góð við bussin.
Tað siga tey í Klaksvíkar kommunu.
Lagt verður aftrat, at í 2020 kom ein nýggjur býarbussur, sum kommunan hevur havt sera góðar royndir við.
Men, tíverri hevur tað víst seg í seinastuni, at herverk hevur verið framt í bussinum.
- Hetta hoyrir ongastaðni heima, og tí heitir kommunan borgarar um at geva slíkum ans, og at tala at, um tey síggja fólk gera seg inn á bussin.
Í Klaksvíkar kommunu siga tey, at øll setur í bussinum verða skift í løtuni.
- Tí verður staðiliga heitt á øll um at fara væl um, so góða tænastan kann halda fram, verður lagt aftrat.
