Seinnu 1/16-finalurnar í Europa League hava verið í kvøld, og nú er greitt hvørji 16 lið hava spælt seg víðari til 1/8-finalurnar. Tilsamans vórðu 15 dystir spældir í kvøld, meðan ein varð spældur í gjár.
Danska FCK varð varpað úr Europa League eftir 1-0-tap á útivølli ímóti Altético Madrid í kvøld. Lítil spenningur var tó í dystinum, tí spanska liðið hevði vunnið fyrra dystin 4-1 í Telia Parkini.
Hitt norðurlendska felagið, svenska Östersunds FK, er eisini rokið út, men sigast má, at tað fall við æru. Östersunds FK var nevniliga eina góða løtu vóru á odda 2-0 á Emirates Stadium, men Arsenal fekk minkað um munin og er víðari við samlaðum 4-2-sigri.
1/16-finalur í Europa League:
CSKA Moskva – Crvena Zvezda 1-0 (samanlagt 1-0)
Lokomotiv Moskva – Nice 1-0 (samanlagt 4-2)
Atlético Madrid – FCK 1-0 (samanlagt 5-1)
Dynamo Kyiv – AEK Athen 0-0 (samanlagt 1-1)
Lazio – Steaua Bukarest 5-1 (samanlagt 5-2)
RB Leipzig – Napoli 0-2 (samanlagt 3-3)
Sporting Lissabon – Astana 3-3 (samanlagt 6-4)
Viktoria Plzen – Partizan Beograd 2-0 (samanlagt 3-1)
Villarreal – Lyon 0-1 (samanlagt 1-4)
Zenit Skt. Pætursborg – Celtic 3-0 (samanlagt 3-1)
AC Milan – Ludogorets Razgrad 1-0 (samanlagt 4-0)
Arsenal – Östersunds FK 1-2 (samanlagt 4-2)
Atalanta – Borussia Dortmund 1-1 (samanlagt 3-4)
Athletic Bilbao – Spartak Moskva 1-2 (samanlagt 4-3)
Braga – Marseille 1-0 (samanlagt 1-3)
Salzburg – Real Sociedad 2-1 (samanlagt 4-3)
