Stríðið er ikki av enn. Tað staðfesta fakfeløgini, nú pedagogarnir hava skrivað undir nýggja avtalu og verkfallið er av. Samstundis hevur Helgi Abrahamsen, landsstýrismaður í vinnumálum, tikið uppskotið aftur um at skerja verkfallið hjá pedagogunum við at lóggeva fleiri pedagogar til arbeiðis í Almannaverkinum.
– Fakfeløgini, sum boðaðu frá, at tey fóru at seta tiltøk í verk fyri at móttmæla uppskotinum, halda ikki at stríðið er av, tað er tikið aftur, siga tey í eini felags fráboðan nú seinnapartin. Tey vísa á, at landsstýrismaðurin hevur boðað frá, at hann arbeiðir við einum nýggjum uppskoti, sum skal avmarka rættin til verkfall í eini fakligari ósemju.
– Fakfeløgini ætla ikki at lata sær hetta lynda. Rætturin til verkfall er so grundleggjandi, at eitt løgting ikki bara kann lóggeva hann frá fakfelagsrørsluni, siga tey í fráboðanini. Tey siga, at nú fara tey sostatt at viðgera, hvussu fakfeløgini skulu svara aftur, um landsstýrismaðurin í arbeiðsmarknaðarmálum, ger álvara av hóttanini um at leggja ein eina lóg fyri Løgtingið, sum avmarkar verkfalsrættin.