Í hesum døgum er tungmálmsfestivalurin Copenhell í Keypmannahavn.
Her plaga altíð at vera nógvir føroyingar, og í ár er einki undantak.
Les kanska meira um tað her: Yvir 100 føroyingar á Copenhell: – Hetta er stuttligt
Vit hava fingið orðið á nakrar av føroyingunum, sum eru á Copenhell í ár, og spurt, hvørjum teir fara at lurta eftir, og hví teir eru her.
Cristi Malita:
Hví ert tú á Copenhell?
– Eg eri á Copenhell, tí at her er ein fantastiskur stemningur. Nógvir bólkar, sum mær dámar, skulu spæla her, og nógv fólk eg kenni eru her. Eg havi verið her hvørt ár síðan 2016, uttan tá tað bleiv avlýst orsakað av corona.
Hvørjum ætlar tú at lurta eftir?
– Tool. Eg var her fyrraárið, tá Tool spældi. Eg vil hoyra teir aftur í ár. Tool eru feitir, tí teir eru tekniskt dugnaligir og kunnu skapa ein stemning sum eingin annar. Eisini ætli eg mær at lurta eftir Avenged Sevenfold, The Offspring og Limp Bizkit.
Terji Mohr:
Hví ert tú á Copenhell?
– Eg eri her fyri at hoyra feitt death metal. Og fyri at uppliva ein skegan rock'n'roll stemning. Her eru tey feitastu fólkini. Eg havi verið her fyrr, og tað feita her er felagsskapurin og gestablídnið.
Hvørjum ætlar tú at lurta eftir?
– Høvuðsnøvinini hjá mær eru Hatebreed og Limp Bizkit. Limp Bizkit er bólkurin, sum eg havi lurtað eftir, siðan eg var lítil. So tað er nostalgia. Hatebreed, ja tað verður bara púra svakt.
Markus Vijayavarathan og Malan Rubeksen:
Hví eru tit á Copenhell?
– Vit eru her fyri at hoyra Limp Bizkit. Tað er høvuðsnavnið. Eisini onnur nøvn. Vit ætla eisini at hoyra Avenged Sevenfold, tað er nakað, vit lurtaðu eftir sum yngri.
Hvørjum ætla tit at lurta eftir?
– Vit fara at hoyra Limp Bizkit og Avenged Sevenfold sum sagt, men vónandi eisini ymiskt annað. Vit hava okkara dóttir við, so vit fáa at síggja.
LES EISINI: Copenhell: John hevur fingið sær Merkið á ryggin
LES EISINI: Yvir 100 føroyingar á Copenhell: – Hetta er stuttligt
