Nýggja Sandshavið liggur nú á Sandi, har gamla skipið eisini liggur. Um nakrar dagar verður klárt at loysa. Fyrst verður farið undir Føroyar at royna skipið, sigur skiparin, Eyðvarur Petersen.

Ein dreymur gerst nú veruleiki

- Hetta gevur okkum nýggjar møguleikar, sum vit hava droymt um í fleiri ár, sigur Eyðvarur Petersen, skipari og ein av eigarunum.

 

Nýggja Sandshavið liggur nú á Sandi, har gamla skipið eisini liggur. Um nakrar dagar verður klárt at loysa. Fyrst verður farið undir Føroyar at royna skipið, sigur skiparin, Eyðvarur Petersen.

Ein spennandi tíð liggur fyri framman hjá teimum, sum eiga og fara at reka frystilínuskipið, Sandshavið, sum fyrr í ár varð keypt úr Íslandi. 

Gamla Sandshavið var ísfiskalínuskip, men nú hava eigararnir eitt frystilínuskip, sum hevur nógv fleiri møguleikar.

Eftir at skipið er dagført hjá ávikavist Mest og KSS, har ymiskt er gjørt, sum Skipasýnið krevur, liggur nýggja Sandshavið nú aftur á Sandi.

 

Her verður riggað til at fara á fyrsta túrin. 

 

Av ymiskum, sum er gjørt, síðan skipið kom heim úr Íslandi, hava eitt nú høvuðsmotorur og ein ljósmotorur fingið eina yvirháling.

Eyðvarur Petersen, skipari, sigur, at klárt verður at loysa um nakrar dagar.

- Vit fara fyrst undir Føroyar at royna skipið. Um alt gongur væl, fara vit síðan til Grønlands at fiska okkara kvotu har yviri, sum er umleið upp í eina last. 

Hann sigur, at tá grønlandstúrurin er lokin, eigur skipið eisini upp í eina last í íslendskum sjógvi.

 

##med2##

Spurdur, hvussu nógvur fiskur gongur í lastina, væntar skiparin, at Sandshavið tekur millum 250 og 300 tons av avhøvdaðum frystum fiski.

- Vit hava siglingarloyvi til 17 mans, men í løtuni veit eg ikki, hvussu nógvir verða á fyrsta túri, sum verður ein royndartúrur, sigur Eyðvarur Petersen.

Hann leggur aftrat, at teir eru sera spentir, nú skjótt verður kárt at loysa, og hann sigur seg vóna, at alt fer at rigga væl.

- Jú, hetta verður sera spennandi, og hetta gevur okkum nýggjar møguleikar, sum vit hava droymt um í fleiri ár, sigur skiparin á Sandahavinum.

 

 

 

 

 

Nýggja Sandshavið liggur nú á Sandi, har gamla skipið eisini liggur. Um nakrar dagar verður klárt at loysa. Fyrst verður farið undir Føroyar at royna skipið, sigur skiparin, Eyðvarur Petersen.

Eyðvarur Petersen, skipari og ein av eigarunum.