Miðvallarin og føroyski U21-landsliðsleikarin, Gullbrandur í Horni Øregaard ger saman við liðfeløgunum í Sandnes ULF, ið spælir í næstbestu norsku fótbóltsdeildini klárt til enn eitt kappingarár.
Í dag var Gullbrandur við frá byrjan, tá Sandnes ULF í venjingardysti vann 1-0 á Jerv.
Síðani nýggjárið hevur ungi miðvallarin fingið álitið, og er byrjaður inni í fleiri venjingardystum hjá Sandnes ULF.
Í undanfarna kappingarárið var Gullbrandur við í 14 dystum í næstbestu deildini.
Kappingarárið hjá Sandnes ULF byrjar á heimavølli 10. apríl, tá Skeid kemur á vitjan.
Áðrenn tað skal Sandnes ULF spæla venjingardystir móti Viking Stavanger og Start Kristiansand.