info
Ongi úrslit

Hevur yvirlivað í permafrostinum í 24.000 ár

Sambært The Guardian hava granskarar nú funnið eitt mikroskopiskt hjóldýr undir permafrostinum í Sibiria, sum er 24.000 ára gamalt og hevur megnað bæði at yvirlivað og nørt seg.

Vilmund Jacobsen
10. juni 2021 kl. 04:21

 

Sagt verður um hjóldýrið, sum á latínskum kallast "bdelloid rotifers", at tað hevur støddina á einum sandkorni og hevur verið til í minsta lagi í 35 miljónir ár. Dýrið hevur sambært bretsku ávísini The Guardian havt eini ótrúlig evni til at yvirlivað bæði svongd, vantandi súrevni og stálingar.

Granskarar meta, at dýrið av hesum slag, tey nú hava funnið undir permafrostinum í Sibiria, er 24.000 ára gamalt og Petter Bøckman, djórafrøðingur, ið starvast sum lektari á Náttúrusøguliga savninum á Universitetinum í Oslo, heldur, at tað, sum granskararnir nú hava funnið, er ansvekjandi. 

Tað sigur hann við VG.

Sambært The Guardian er tað nú prógvað, at hjóldýrið hevur yvirlivað í 24.000 ár undir permafrosti og síðan bæði hevur megnað at yvirlivað og nørt seg víðari, og granskarar halda tað verið sera merkisvert, at hjóldýrið framvegis er á lívi.

- Ja, hetta er rættiliga anvekjandi. Tá vatn frystir og verður til ískrystallir, oyðileggjast kyknurnar í livandi verum. Men, mikroskopiska dýrið, sum er ryggleyst, hevur megnað at yvirlivað hetta. Tað er virkuliga ófatiligt, tí vanliga høvdu slík dýr kanska livað í eina viku undir slíkum umstøðum, sigur Petter Bøckman, djórafrøðingur.

Hann vísir á, at tá kuldin er so nógvur sum í sibiriska permafrostinum, kunnu vanlig djór ikki liva og nørast. Her hevur so mikroskopiska hjóldýrið tó megnað at yvirlivað í 24.000 ár, og tað er ein verulig stórhending - serliga fyri fólk, sum starvast á mínum øki, sigur djórafrøðingurin og lektarin.

The Guardian skrivar, at hjóldýrið kann hava ligið goymt undir skinninum á einum niðurfrystum dýri, sum ikki er óvanligt at síggja í permafrostinum. Áður eru mikroskopisk dýr funnin, sum hava ligið niðurfryst og hava yvirlivað í eini hundrað ár.

Matthew Cobb, sum er professari í lívfrøði við Universitetið í Manchester, sigur við The Guardian, at tað, sum ikki er minni áhugavert, er, at fleiri slík dýr kunnu koma undan kavi - og vakna - í permafrostinum so hvørt, sum frostið hvørvur sum avleiðing av veðurlagsbroytingum.

 

Mest lisið hesa vikuna

Nú kanst tú síggja lønina hjá grannanum ella stjóranum

13. november kl. 22:59

Landsstýrið black­list­ar 16 bygdi­r og bý­ir í Føroyum

7 tímar síðan

Nøkur orð um skyldmannin Allan Enghamar

15. november kl. 17:35

Fyrrverandi NSÍ venjari er deyður

14. november kl. 17:37

Sosialurin hevur nú sítt egna »Tíðarrit«

15. november kl. 17:38

Hvør lutur verður gjørdur við stórum nærlagni

13. november kl. 08:07

Fleiri tíðindi

Tíðindi

Vivian Sjóðklett við barnasangi

9 minuttir síðan
Tíðindi

42 fráboðanir um ill­gruna um hjá­árin eftir koronu­kopp­seting

31 minuttir síðan
Tíðindi

Nýggjur Á handil latin upp í Norðragøtu

1 tími síðan
Tíðindi

Spyr nær Suð­ur­oy­ar­tunn­il­in fær góð­kenning

1 tími síðan
Fótbóltur

VIDEO: Moldavar vísa ikki føroysku málmøguleikarnar

2 tímar síðan
Myndasøvn

Myndir: Tingfundur 18.11.26

2 tímar síðan
Tíðindi

AP: Trump og Put­in hitt­ast á fyrsta tví­parta­fundi síð­ani Alaska

2 tímar síðan
Tíðindi

Ókent ræðsluevni: Byrjaði at eta seg sjálvan

3 tímar síðan
Tíðindi

Xi tók ímóti Trump og hálsfevndi hann undan fundi við Putin

4 tímar síðan
Tíðindi

Nýggjar bøkur um Oyggjaleikir og norrønu gudarnar

4 tímar síðan
Tíðindi

Nýggjur fylgi­svein­ur vís­ir hit­an á landi og sjógvi í Vestur­avstralia

4 tímar síðan
Lesarabrøv

Sendimaður Petur Petersen: „Ísraelar ynskja bara frið inni hjá sær sjálvum“ – og onnur fake news

5 tímar síðan