Føroyska ítróttartjóðin fegnast um framúr góða avrikið á oyggjaleikunum í Gotlandi, har føroysk ítróttarfólk vunnu 87 heiðursmerki, sum er størsta talið av heiðursmerkjum Føroyar hava vunnið á einum oyggjaleikum.
Men úrslitið gerst enn flottari, um vit samanbera talið av íðkarum hjá teimum fimm oyggjunum, sum endaðu ovast á heiðursmerkja-yvirlitinum. Manoy, sum vann oyggjaleikirnar hevði meir enn dupult so nógvar íðkarar, sum Føroyar. Eisini Jersey, sum endaði triðovast á heiðursmerkja-yvirlitinum hevði dupult so nógvar íðkarar, sum Føroyar.
Topp 5 oyggjarnar høvdu so nógvar íðkarar:
1. Manoy (240 íðkarar)
2. FØROYAR (109 íðkarar)
3. Jersey (227 íðkarar)
4. Guernsey (198 íðkarar)
5. Gotland (249 íðkarar - Gotland hevði størsta talið av íðkarum)
Staðfestast kann, at í mun til talið av íðkarum vunnu Føroyar flest heiðursmerki.
Talið av heiðursmerkjum til topp 5 oyggjarnar á oyggjaleikunum í Gotlandi:
| Endastøða | Oyggjaland | Gull | Silvur | Bronsa | Samanlagt |
|---|---|---|---|---|---|
| 1 | Manoy | 39 | 36 | 26 | 101 |
| 2 | FØROYAR | 30 | 27 | 30 | 87 |
| 3 | Jersey | 29 | 21 | 35 | 85 |
| 4 | Guernsey | 27 | 35 | 32 | 94 |
| 5 | Gotland | 23 | 19 | 20 | 62 |
So nógv heiðursmerki vunnu topp 5 oyggjarnar pr. íðkara:
1. FØROYAR : 0,79 heiðursmerki
2. Guernsey: 0,47 heiðursmerki
3. Manoy: 0,42 heiðursmerki
4. Jersey: 0,37 heiðursmerki
5. Gotland: 0,24 heiðursmerki
Sæð í ljósinum av hesum tølunum er føroyska avrikið framúr gott.
