Samráðingarmenn hjá ES og Iran samdust á fundi í Genéve í gjár um at halda fram við samráðingunum um iransku kjarnorkuverkætlanina. Seks stórveldi høvdu umboð á fundinum, og teirra millum var amerikanski uttanríkisráðharrin, Condoleezza Rice.
Altjóða samfelagið hevur kravt, at Iran skal gevast við at ríka uran, sum kann brúkast til at gera kjarnorkubumbur við, men Mahmoud Ahmadinejad, forseti, hevur sagt, at tað kemur ikki upp á tal. Uttanríkispolitiski samskiparin hjá ES, Javier Solana, segði aftan á ein fund við iranska samráðingarleiðaran Saeed Jalili í Genéve, at teir báðir eru samdir um at tosa saman um einar fjúrtan dagar.
