HM-endaspælið í fótbólti hjá monnum verður leikt í Meksiko, USA og Kanada millum 11. juni og 15. juli í 2026.
Meksiko var HM-vertur í 1970 og í 1986. USA var HM-vertur í 1994. Hetta verður fyrstu ferð, at Kanada er HM-vertur.
HM-setanardysturin 11. juni verður spældur á tí tí søguríka Azteca leikvøllinum í Meksiko býi. Azteca var HM-finaluleikvøllurin í bæði 1970 og í 1986.
HM-finalan 15. juli verður leikt á einum vølli, ið er væl kendur frá NFL, nevnliga MetLife leikvøllinum í New York.
Hálvfinalurnar vera spældar í Dallas og Atlanta.
Fjórðingsfinalurnar vera spældar í Boston, Los Angeles, Miami og Kansas býi.
Sostatt eru tað bara innleiðandi bólkadystir og áttandapartsfinalur, ið vera spældar í Meksiko og í Kanada, so tað er púra greitt, at USA er høvuðsverturin fyri HM-endaspælið í 2026.
