So eru bólkarnir E og F eisini skotnir í gongd í HM-endaspælinum í hondbólti hjá kvinnum í Niðurlondum og Týsklandi.
Í Rotterdam fekk vertstjóðin, Niðurlond eina góða byrjan við 32-25 (16-11) sigri á Argentina.
Toppskjúttar hjá Niðurlondum vóru: Kelly Dulfer við fimm málum, og Dione Housheer, Zoë Sprengers, Romée Maarschalkerweerd og Angela Malestein við fýra málum hvør. Elke Karsten var við átta málum toppskjútti hjá Argentina.
Í sama bólki vann Eysturríki 29-20 (14-12) á Egyptalandi.
Toppskjúttar hjá Eysturríki við seks málum hvør vóru Klara Schlegel og Eleonora Stankovic. Toppskjútti hjá Egyptalandi við seks málum var Touka Gadallah.
Eysturríki og Niðurlond hava tvey stig hvør. Argentina og Egyptaland hava einki stig.
Bólkur E, Rotterdam, Niðurlond:
28. november:
Eysturríki – Egyptaland 29-20
Niðurlond – Argentina 32-25
30. november:
Eysturríki – Egyptaland, kl. 17.
Egyptaland – Niðurlond, kl. 19.30.
2. desember:
Argentina – Egyptaland, kl. 17.
Niðurlond – Eysturríki, kl. 19.30.
Í bólki F legði Frakland hart út við stórsigri 43-18 (21-12) á Tunesia.
Toppskjúttar hjá Fraklandi vóru Suzanne Wajoka við 10 málum, og Lucie Granier og Sarah Bouktit við seks málum hvør. Toppskjútti hjá Tunesia við fimm málum var Fadwa Aouij.
Í sama bólki vann Pólland eisini stórsigur. Pólland vann 36-20 (15-12) á Kina.
Toppskjútti hjá Póllandi var Magda Balsam við níggju málum. Chan Liu var við sjey málum toppskjútti hjá Kina.
Frakland og Pólland hava tvey stig hvør. Kina og Tunesia hava einki stig.
Bólkur F, ‘s-Hertogenbosch, Niðurlond:
28. november:
Pólland – Kina 36-20
Frakland – Tunesia 43-18
30. november:
Pólland – Tunesia, kl. 14.30.
Kina – Frakland, kl. 17.
2. desember:
Tunesia – Kina, kl. 17.30.
Frakland – Pólland, kl. 20.
