Tjóðirnar í Bólki 1 í høvuðsumfarinum vóru í dag í eldinum aftur triðja dagin á rað, og alt tykist opið áðrenn seinasta dystin í ovurmorgin.
Serbia kom í høvuðsumfarið við ongum stigi, men hevur nú bast bæði Suðurkorea og Týsklandi og hevur ein møguleika at røkka hálvfinalunum við sigri á Danmark í ovurmorgin - Treytað av, at Suðurkorea vinnur á Norra klokkan 11.30 í dag.
Danmark vann á Niðurlondum í morgun og gevur Norra møguleikan at taka fremsta plássið í bólkinum, um tað eydnast at vinna á Suðurkorea fyrrapartin. Tann dysturin kann stroymast niðanfyri.
Undir øllum umstøðum verður bólkurin als ikki avgjørdur fyrr enn seinastu dystirnar í ovurmorgin. Stigatalvan sæst niðanfyri stroymingina.
<iframe frameborder="0" height="315" width="560" allow="accelerometer; autoplay; encrypted-media; gyroscope; picture-in-picture" src="https://www.youtube.com/embed/Lu_36uTSUcA"></iframe>
| Bólkur 1 | Tjóð | Dystir | Málmunur | Stig |
| 1 | Týskland | 4 | 2 | 5 |
| 2 | Niðurlond | 4 | 10 | 4 |
| 3 | Norra | 3 | 4 | 4 |
| 4 | Serbia | 4 | -12 | 4 |
| 5 | Danmark | 4 | -1 | 3 |
| 6 | Suðurkorea | 3 | -3 | 2 |
