Í bólki G í HM-endaspælinum í hondbólti hjá kvinnum, ið eisini verður leiktur í Trier í Týsklandi eru Noreg og Angola longu klár til ovara endaspælið.
Noreg vann ein knúsandi 41-16 stórsigur á Kasakstan. Í steðginum vóru tær norsku frammanfyri við 14 málum, 21-7.
Málverjarnir hjá Noregi, Eli Marie Raasok og June Krogh bjargaðu ávíkavist 59 og 53 prosent av málroyndunum.
Toppskjúttar hjá Noregi vóru Emilie Margrethe Hovden (myndin) við átta málum, og Anniken Wollik við seks málum. Toppskjútti hjá Kasakstan við fýra málum var Irina Khassakhanova.
Í sama bólki vann Angola greitt 34-23 (19-13) á Suðurkorea.
Albertina da Cruz Kassoma var við níggju málum toppskjútti hjá Angola. Toppskjútti hjá Suðurkorea við seks málum var Yeongyeong Lee við seks málum.
Noreg og Angola hava fýra stig hvør. Suðurkorea og Kasakstan hava einki stig.
Bólkur H, Trier, Týskland
27. november:
Angola – Kasakstan 38-20
Noreg – Suðurkorea 34-19
29. nvember:
Angola – Suðurkorea 34-23
Kasakstan – Noreg 16-41
1. desember:
Suðurkorea – Kasakstan, kl. 17.
Noreg – Angola, kl. 19.30.
