Fyri einari løtu síðani endaði 5. umfar í talvi fyri einstaklingar, sum í hesum døgum er í Skúlanum við Ósánna í Klaksvík. Fyrstu leikirnir í 6. umfari verða fluttir klokkan 17.00 í dag.
Høgni Egilstoft Nielsen vann aftur í dag, og harvið hevur hann framvegis fult stigatal. Í dag var tað við hvíta fólkinum ímóti Heiðriki T. Jacobsen. Næstur Høgna á støðutalvuni er Martin Poulsen, sum í dag vann við hvítum á Rana Baldursson. Martin er eitt hálvt stig aftanfyri Høgna.
Mest dramatiska talvið í 5. umfari var tað millum Rógvan Egilstoft Nielsen og Ólav Simonsen, sum endaði remis. Ólavur hevði finnu, og báðir høvdu riddara. Rógvi læt riddaran fyri finnuna, og harvið endaði tað remis. Tá høvdu teir báðir sitið við borðið í fýra og ein hálvan tíma ella tað mesta av einum tíma meiri enn hinir í hesum umfarinum.
5. umfar
Martin Poulsen-Rani Baldursson 1-0
Hans Kristian Simonsen-Tummas Martin Sólsker 1-0
Margar M. Berg-Rani Nolsøe 0-1
Rógvi Egilstoft Nielsen-Ólavur Simonsen ½ - ½
Høgni Egilstoft Nielsen-Heiðrikur T. Jacobsen 1-0
Støðan eftir fimm umfør
Høgni Egilstoft Nielsen 5 stig
Martin Poulsen 4 ½ stig
Ólavur Simonsen 3 ½ stig
Hans Kristian Simonsen 3 ½ stig
Rógvi Egilstoft Nielsen 3 ½ stig
Rani Nolsøe 2 ½ stig
Rani Baldursson 1 stig
Tummas Martin Sólsker ½ stig
Margar M. Berg ½ stig
Heiðrikur T. Jacobsen ½ stig
6. umfar klokkan 17 í dag
Rani Baldursson-Heiðrikur T. Jacobsen
Ólavur Simonsen-Høgni Egilstoft Nielsen
Rani Nolsøe-Rógvi Egilstoft Nielsen
Tummas Martin Sólsker-Margar M. Berg
Martin Poulsen-Hans Kristian Simonsen
Martin Poulsen, sum í 3. umfari vann á Rana Nolsøe (myndin) er eftir fimm umfør næstfremstur. Hann hevur áður vunnið FM fýra ferðir – í 2003, 2004, 2006 og 2009
