Heri Kjærbo er nýggjur formaður í høvuðsstýrinum, Hjalmar Hansen nýggjur stýrislimur og Jákup Brúsá byrjar sum nýggjur aðalskrivari í Heimamissiónini 1. september – og allir høvdu sín fyrsta fund í høvuðsstýrinum í kvøld.
Hetta skrivar Trúboðin.
Samstundis hevur Jan Johannesen takka fyri seg eftir 12 ár í høvuðsstýrinum. Vit takka honum fyri trúfasta tænastu, skrivar trubodin.fo.
Afturat hesum sita onnur góð fólk í leiðsluni. Frá vinstru á myndini:
- Heri Kjærbo
- Jørmund Foldbo
- Jógvan Garðsá
- Ragnar Groth Mortensen
- Beinta Klein
- Annelisa Rasmussen
- Hjalmar Hansen
- Ovi Brim
- Jákup Brúsá
UM TÚ IVAST: Høvuðsstýrið er hægsti myndugleiki fyri Kirkjuligu Heimamissiónina (sindur sum nevndin í einum felag). Høvuðsstýrið ansar eftir øllum viðurskiftunum, leiðir arbeiðið og stýrir størvum og ognum hjá Heimamissiónini við aðalskrivaranum sum dagligum leiðara, skrivar Trúboðin á trubodin.fo.
