Nú eitt nýtt ár er byrjað, fara Fuglafjarðar kommuna og Kunningarstovan í Fuglafirði í gongd við eina verkætlan um at menna ferðavinnuna í Fuglafjarði og í hesum sambandi skal eisini ein ferðavinnupolitikkur gerast fyri býin.
Í fjør søktu tey eftir fólki at standa á odda fyri arbeiðnum og tey hava nú gjørt av at seta Sissal K. Kristiansen í starv av taka sær av uppgávuni.
Sissal, sum er cand.merc., hevur arbeitt við marknaðarføring, strategi og samskifti í fleiri ár. Seinnu árini hevur hon verið sjálvstøðugur ráðgevari við størri og smærri verkætlanum, bæði í ferðavinnuni og aðrastaðni, so hon er væl kunnug við økið.
– Sissal er sera góð við Fuglafjørð tí umframt at hava ættarbond til Fuglafjarðar, hevur hon eisini undirvíst á Kambsdali í fleiri ár, og hon hevur verið nógv í Fuglafirði í øllum uppvøksturinum, sigur Fuglafjarðar Kommuna í tíðindaskrivi.