- Vit bjóða til eina 3-tímar veviverkstovu í Kelim-veving, har tú fært høvi at royna veving við vevirammu og læra grundleggjandi teknikkir. Vit arbeiða eitt nú við geometriskum formum, vevimynstrum og kreativari ending sum frynsum.
Soleiðis siga tey á heimasíðuni hjá Vágs kommunu í dag.
Her verður lagt aftrat, at tá verkstovan er liðug, hevur tú:
• Eitt liðugt vevað myndateppi, klárt at heingja upp
• Vevirammu og amboð at taka heim við tær
• Nýggj hugskot og teknikkir til víðari veving
Verkstovan verður leidd av Lenu Marczyńska, listakvinnu, sum er ein partur av Arctic Digital Nomad listauppihaldinum í Vági
- Veviverkstovan, sum verður í Miðlatúni í Vági hin 12. mars frá klokkan 19 til 22, er ókeypis, og hon er fyri roynd sum óroynd.
Í Vági verður sagt, at pláss er fyri 10 luttakarum, og tilmelding fer fram á [email protected] ella tlf. 239390.
